[size=21][color:f3be=royalblue][size=25][color:f3be=red]أنا كل ماجيـت أتذكّـر زمـان ٍ فـات
تجيني همـوم ٍ داخـل القلـب مخْفِيهـا
تفيض المشاعر والأحاسيـس بالونّـات
وأنا سابح ٍ في طيف ذكـراي وابكيهـا
نسج لي خيالي باقةٍ بأجمـل اللحظـات
أنـا والحبيـب اللـي حياتـي معنّيهـا
تذكّرت جمعتنا وزادت بـي الحسـرات
ياليـت المحبـة مـا تفـرّق لياليـهـا
تجرّعت حسراتي ودمعي نزل بسكـات
ترى دمعة العشـاق تُعـرف مواريهـا
سبايب عشير ٍ خدّه أبيض من اللمبـات
ونور القمر من خدّهـا ضايـع ٍ فيهـا
على كثر زينه ياهلي يكثـر البسمـات
تخلّي حزيـن القلـب يفـرح لطاريهـا
يعيش بخياله يـوم كـل ٍ بليْلـه بـات
سهير النجـوم وعينـه النـوم جافيهـا
ومن شاف حالي قال هذا تـرى مـوّات
جريح المشاعر روحـه اليـوم مشقيهـا
سهوم المحبة ياعـرب تشبـه الطلقـات
ولا تخطيَ التسديد مـن كـف راعيهـا
خصوصًا ليا عايربهـا قايـد الخفـرات
عطيـب ٍ مضاربهـا ولَحْـد ٍ يداويهـا
ياليت اللقا يصبح كما عقرب الساعـات
ليا جات ساعـة واحـدة نلتقـي فيهـا
على شان أشوف الزين وأقعد معه حزّات
وأداوي عيون ٍ بالهـوى كـان معميهـا[/color][/size] [/color][/size]