هاك الدموع وشوف وش خلـت الخّـد

[color:dfa2=red][size=24]



هاك العقـارب وأستلـم عنـي العّـد
=و شف في غيابك كيف هالوقت مقلوب
من غبت عني يوم ما أوحيـت وش قّـد
=كني احسّه عـام والعـام مضـروب
هاك الدموع وشوف وش خلـت الخّـد
=وألمس بللها منحـدر باقـي الثـوب
والله مالـي عيـن فـي وجهـي أتلّـد
=كرهت اشوف الحال شاحب و معطوب
يقبـل علـي الهّـم وانخـاه انـا هّـد
=مغلوب حال و حظ و الأمر مغلـوب
تتسـابـق الـزفـرات والاآآه تمـتّـد
=في تلّها كنّي مـن الجـوف مسحـوب
طال الغيـاب و مابـدى للقلـق حّـد
=حتى البدن معلول ما أرتاح في صـوب
تآخذنـي طيوفـك ولا حـول لا يّـد
=ما غير اهذري لآخر البيـت وأجـوب
وظن ٍ ورى ظن ٍ / و شـد ٍ بعـد شّـد
=ضيعّت فكري بين شرهـه و معتـوب
كل الهجوس تزيـد وان فاولـت صّـد
=قلت انك أكبر والسبب معك مسلوب
لين التمس لك عذر وان خالـف الجـدّ
=أرجع ألوم النفس وأخشاك مكـروب
وين انت عني وين يـا صاحـب السـدّ
=من هو بعدك ارجـاه غالـي ومحبـوب
معقول تجهـل كيـف حالـي بـلا رّد
=او تترك الجـوال مـن دون مكتـوب
هاك العقـارب واستلـم عنّـي العّـد
=شف فعلة التفكير لا صـار مقلـوب
حد الحشا يقوى على قـول مـا جّـد
=وان كان موجع للوجع دوم معصـوب
ماهو بطبعي ارخـص الشـوق و أرتّـد
=لكن ظروري اعرف شعـاد مطلـوب
فـأرجوك قلّي كان ناوي علـى هـدّ
=أهّد أنا ويـاك و تّتـوب و آتـوب..!


[/size][/color]

[img]http://alsbtain.alatham.com/qatifoasis/upload//14373-1-960568729.gif[/img]