صباح الخير ياحلوين بعدد حبات المطر الا نزلت علينا اليوم[img]http://arb3.maktoob.com/vb/images/smilies-frasha/smile.gif[/img]وان شاء الله يارب يارب تكونوا بأفضل حال
ما عندى موضوع محدد بس ودى اتكلم عن اللى فى خاطرى وبدون خوف او احراج وطبعا فكرت فى المنتدى الغالى واللى يارب يارب يسهل على كل القائمين فيه من اكبرهم لاصغرهم لانه فعلا هنا نقدر نقول اللى فى خاطرنا من دون قيد
بالامس كنت اتمشى فى الحوش لحالى المهم شفت امى جايه لعندى وكانت طبعا تمشى ببطىء لانه رجلها تعورها بسبب السكرى الا مره شاد حيله عليها الله يحفظها لى وو يحفظ امهاتكم....تصدقون حسيت بألم فى قلبى وحسيت بتعب مره وحده برغم من انى كل يوم مع امى وكل يوم اشوفها بس لاول مره انظر عليها بنظره ثانيه وهى نظرت انى امى كبرت فى السن وصارت غير عن قبل بخطواتها البطيئه ...اى امى كبرت وابوى كبر وكلنا بنكبر ادرى بهاى الشىء بس مشكله انى وقتها جلست افكر وافكر واقول بعد الشر وبعد عمر طويل اذا فقدت امى وش بيصير لى من بعدهم......والله ياجماعه قمت ابكى من حرقة القلب والتعب ادرى بتقولون لا تزعلى الله وياج ونعم بالله بس تخيلت وضعى من دونهم خصوصا انى الوحيده فى البيت وبقيه اخوانى واخواتى تزوجوا....وطبعا تعرفون مهما كانوا الاخوان طيبين مايعوضون عن الوالدين وحنانهم...تصدقون اكتشفت انى خايفه من المستقبل وش بيصير فيه ......وقمت اقول فى نفسى يارب يارب للحين ما تزوجت ....ومن غير شعور حطيت يدى على بطنى اتحسس واقول يارب متى بتزوج وبتصير البطن ذى متورمه حالى من حال غيرى اخاف يمر الوقت واظل على حالى واخاف اكبر وانا لحالى...اخاف يجى وقت من بعد ابوى وامى أحس بشى اسمه قهر وتعب....تصدقون عاد برغم من انه حالى احسن من غيرى والحمد لله بس بتظل غصه فى قلبى خوف من الممستقبل....وانا اردد سؤال... وش بيكون حالى من بعدهم الله يطول فى اعمارهم يارب ...... دوم معى ويعتنون فينى ويحاتونى فى كل شىء ومن يوم تطلقت زاد ضغط اخوانى على بحجه انى مطلقه انا مااقول مو معاهم حق بس الرحمه حلوه بعض الاحيان والحكره شينه. ... حتى يوم قررت اكمل دراسه بس مو فى عمان فى دوله ثانيه....اخوانى اول من رفض الفكره بس ابوى وافق وشجعنى... وجلس يقول لهم مالكم شغل فيها ومن اندفن فى القبر ذيك الساعه لكم حق تتوصون عليهااا...حرقتنى الدمعه من تذكرت السالفه وقلت يارب لوين بتودينى الدنيا وش راح تسوى فينى...واقول ياويلى حالى من بعدهم انا صح مطلقه بس مو شرط انى اكون مستهتره ومو شرط خوف من المستقبل انى أقط عمرى على اول خطيب يتقدم لى .
بس اقول مع هذا كله الله كريم والله كبير واكبر من كل شىء..
أدعو لى ااخوانى يكون يومى قبل يوم ابوى وامى ...
[/color][/size][/font]
[font:c841=Times New Roman][size=12][color:c841=#000000]__________________[/color][/size][/font][/center]